«И тридцать витязей прекрасных…»

Сёння ў раённым Доме культуры прайшоў дзень прызыўніка, дзе ва ўрачыстай абстаноўцы ім былі ўручаны павесткі аб прызыве ў армію. На службу адпраўляецца дастойнае папаўненне: 6 прызыўнікоў маюць вышэйшую адукацыю, 9 — сярэднеспецыяльную, 15 — закончылі ўстановы прафтэхадукацыі.

У лістападзе плануецца правесці чатыры наборы па адпраўцы ў армію. Першы набор адправіцца на службу 16 лістапада, другі —18 лістапада, наступныя — 26 і 27 лістапада.
Да будучых абаронцаў нашай краіны з наказам дастойна выканаць свой грамадзянскі абавязак і вярнуцца пасля службы ўзмужнелымі і здаровымі звярнуўся начальнік абасобленай групы ваеннага камісарыяту Аршанскага і Дубровенскага раёнаў старшы лейтэнант Яўген Станіслававіч Шаргаёў.
Будучых воінаў павіншавалі з новым і адказным этапам у іх жыцці бацькі, сябры, прадстаўнікі грамадскасці, а таксама самадзейныя артысты раённага Дома культуры.
Вядучы спецыяліст абасобленай групы ваеннага камісарыяту Аршанскага і Дубровенскага раёнаў Ала Генадзьеўна Каралёва праінфармавала прысутных аб тым, што зараз можна набыць сумку прызыўніка, у якую ўваходзяць 23 прадметы неабходных для першых дзён службы.
Такі камплект пазбавіць прызыўнікоў і іх бацькоў ад клопатаў, звязаных са зборам і пошукам усяго неабходнага. А арганізацыі, чые работнікі прызываюцца ў армію, такі камплект могуць набыць ў якасці падарунка для іх.
Служба ў арміі і абарона Айчыны, яе рубяжоў была і застаецца святым абавязкам для кожнага мужчыны. Шчаслівай вам службы, хлопцы, будзьце дастойны адказнай місіі — зберагчы мір на нашай зямлі.
Лідзія ЧАПЯЛОВА.