«ФЕСТИВАЛЬ 2019»

Дубровно, фестиваль, польша, прибалтика, хлеб

Сонечныя чэрвеньскія дні падарылі ўдзельнікам і гасцям XXVI Міжнароднага фестывалю песні і музыкі «Дняпроўскія галасы ў Дуброўне» незабыўную атмасферу дружбы, творчасці, натхнення.
Важная падзея ў культурным жыцці Віцебшчыны на працягу дваццаці шасці гадоў аб’ядноўвае аматараў вакальнага, інструментальнага, харэаграфічнага мастацтва з розных краін свету, дзе кожны калектыў эксклюзіўны ва ўсім: гісторыя, касцюмы, яркія і самабытныя, у якія ўкладзена пэўнае значэнне, што адрознівае ад іншых.
Фестываль не толькі дапамагае рэалізаваць творчыя планы, але і служыць яднанню народаў.

Задоўга да пачатку песеннага форуму свята ахапіла сваёй плынню амаль кожны куток горада: дзіцячыя гульнёвыя пляцоўкі, кірмаш сувенірнай прадукцыі, конкурсы і забавы.

У суботу раніцай на цэнтральнай плошчы горада работалі тэатралізаваныя падвор’і «Дубровеншчына гасцінная». Падворак журавін, хлеба, бульбы, рыбака і рыбкі сельскіх дамоў культуры і сельсаветаў, а таксама падворак Дубровенскага ільнозавода, цэнтра дзяцей і моладзі і іншых арганізацый і ўстаноў раёна сталі яркім упрыгожваннем другога дня фестывалю. Майстры самых розных тэхнік і рамёстваў збіралі вакол сваіх вырабаў прыхільнікаў ручной работы. Куды ні зазірні, своеасаблівы каларыт, разнастайнасць пачастункаў і сардэчны прыём.
Падворак сярэдняй школы №1 г.Дуброўна ў тэматыцы савецкага мастацкага фільма «Белыя росы» прыцягваў увагу многіх гасцей. Не пакінуў без увагі падворак і сам аўтар сцэнарыя фільма, ураджэнец Дубровеншчыны Аляксей Дудараў, які ў гэты святочны дзень наведаў малую радзіму.

У рамках фестывалю на галоўнай сцэнічнай пляцоўцы прайшло свята-конкурс аркестраў народных інструментаў «Спяваем з аркестрам». Гукі разнастайных музычных інструментаў даносіліся з розных куткоў горада — творчыя пляцоўкі працавалі ў дзіцячым парку, каля музычнай школы, Дома культуры, будынка Белдзяржстраху, загса. Кожны з 16 калектываў падрыхтаваў па тры нумары: інструментальнае выкананне, вакал і чытальнікі. Рэпертуар быў прысвечаны 75-годдзю вызвалення Беларусі.
Прыемна адзначыць, што сярод пераможцаў конкурсу — дзіцячы ўзорны аркестр баянаў (кіраўнік М.Дзікарава) і ансамбль настаўнікаў «Дняпроўскія перазвоны» дзіцячай школы мастацтваў г.Дуброўна. У прадстаўленых намінацыях яны занялі другія месцы.
У праграме конкурсу таксама былі дапаўненні: дэкламацыя пад аркестр, дзе музыкі павінны былі адчуваць чытальніка. Дэкламатар Варвара Парфененка ў суправаджэнні аркестра заняла другое месца. А дэкламатар Аксана Анікеева стала пераможцам конкурсу.

У рамках фестывалю прайшоў VI раённы мастацкі пленэр «Дубровенскія краявіды». Гран-пры конкурсу атрымаў Васіль Сватоўскі. У намінацыі нацыянальнае ўвасабленне ў вобразе малой радзімы пераможцам стала Алёна Гілясева. Першае месца ў намінацыі «Дубровенская прырода» заняла Галіна Прышчэпава, у намінацыі гісторыка-культурная спадчына Дубровеншчыны — Вольга Аляксеева.

У прасторным шатры размясціліся ўдзельнікі свята-конкурсу аднаго з галоўных брэндаў фестывалю — лялька «Дубравушка», якой сёлета споўнілася дваццаць гадоў. Кожны жыхар і госць горада ў гэты дзень мог убачыць выставу конкурснага праекта традыцыйнай лялькі «Дубравушка», прадстаўленай ў будынку райвыканкама. Дарэчы, сёння калекцыя лялек налічвае ўжо 190 адзінак. Майстры з Беларусі, Расіі, Рэспублікі Татарстан і іншых краін падчас фестывалю выраблялі ляльку, дзе ў нядзелю былі падведзены вынікі і вызначана пераможца. Ёю стала майстар з Дуброўна Святлана Дземянкова.
Адной з галоўных падзей XXVI фестывалю ў Дуброўна стала адкрыццё выстаўкі «Біблія для народа» ў раённым гісторыка-краязнаўчым музеі, прысвечаная 325-годдзю гравіраванай бібліі, вырабленай нашым суайчыннікам Васілём Коранем.

Дубровно, дубровенский, фестиваль, библия, корень

Дубровно, дубровенский, фестиваль, библия, корень

Дубровно, дубровенский, фестиваль, библия, корень

Адкрыў фестываль канцэрт «Фестываль, вясёлай песняй звіні!». На галоўнай сцэне прайшоў канцэрт-прэзентацыя калектываў-удзельнікаў фестывалю «Гасцей сустракае дубровенскі край!». Прывітальныя словы ўдзельнікам фестывалю прагучалі ад імя Міністра культуры Юрыя Бондарава. Віншавальны адрас перадаў дубровенцам і гасцям фэсту Іван Галабурда, кансультант упраўлення культуры і народнай творчасці галоўнага ўпраўлення культуры і аналітычнай работы Мністэрства культуры Рэспублікі Беларусь.
Старшыня Віцебскага абласнога Савета дэпутатаў Ула¬дзімір Цярэнцьеў, звяртаючыся да гасцей свята, пажадаў далейшага развіцця фестываля, які стымулюе і развіццё Дубровеншчыны.

Дубровно, фестиваль, польша, прибалтика, хлеб

Дубровно, фестиваль, польша, прибалтика, хлеб

Старшыня Дубровенскага райвыканкама Алег Лындзін падзякаваў усім, хто прыязджае на фестываль і гэтым мацуе сяброўства паміж народамі, зберагае памяць аб агульнай гісторыі. Менавіта гэтай тэме былі прысвечаны мерапрыемствы, якія завяршылі першы фестывальны дзень.
Значнай фестывальнай падзеяй, прысвечанай Году малой радзімы і 75-годдзю вызвалення Беларусі, стаў паказ спяктакля «Не пакідай мяне» з удзелам вядомага драматурга, ураджэнца в.Кляны Дубровенскага раёна Аляксея Дударава.
Увечары каля помніка Ганне Нікандравай адбыўся мітынг-рэквіем, прысвечаны 75-годдзю вызвалення Рэспублікі Беларусь ад нямецка-фашысцкіх захопнікаў.

Дубровно, фестиваль, алексей дударев, драматург

На мітынге старшыня Дубровенскага раённага Савета дэпутатаў Алена Ціханава падкрэсліла, што вызваленне раёна, пабеда ў Вялікай Айчыннай вайне — гэта сумесны подзвіг сыноў і дачок розных нацыянальнасцей. Яна адзначыла, што дубровенцы пры падтрымцы ўлады робяць усё, каб данесці памяць да наступных пакаленняў. Удзельнікі мітынга ўсклалі кветкі да помніка воінам-вызваліцелям.
А народны вакальна-інструментальны ансамбль «Аўрум» падарыў гасцям канцэрт-віншаванне «Пад мірным небам Беларусі». У гэты ж дзень у Дамах культуры аграгарадкоў прайшлі канцэрты калектываў-удзельнікаў фестывалю. Так, артысты ансамбля народнага танца Рэспублікі Малдова прадэманстравалі сваё майстэрства ў аг.Якубава, жыхароў аг.Станіславова радавалі артысты з Латвіі. Ансамбль народнай песні «Акарына» Рэспублікі Польшча выступіў у аг.Сіпішчава. Не менш цікавымі былі канцэрты і на астатніх 10 пляцоўках у іншых аграгарадках.

Красочным шествием и гала-концертом завершился фестиваль в Дубровно

Красочным шествием и гала-концертом завершился фестиваль в Дубровно

Красочным шествием и гала-концертом завершился фестиваль в Дубровно

Красочным шествием и гала-концертом завершился фестиваль в Дубровно

У нядзелю ўрачыстасці традыцыйна пачаліся з тэатралізаванага шэсця калектываў ўдзельнікаў фестывалю па вуліцы Камсамольскай. У гэты дзень самадзейныя калектывы з Беларусі, Расіі, Татар¬стана, Польшчы, Малдовы, Латвіі і Літвы прадэманстравалі свае мастацкія дасягненні на сцэне гарадскога стадыёна, дзе адбыўся гала-канцэрт з удзелам Нацыянальнага акадэмічнага народнага хору Рэспублікі Беларусь імя Г.І.Цітовіча. Пасля чаго прайшла цырымонія ўзнагароджвання калектываў.

Увечары яркім акордам фестывалю стаў канцэрт артыстаў эстрады Беларусі — групы “Дразды” — і святочны салют, што ўпрыгожыў неба Дубровеншчыны.