Дубровенские хлеборобы сделали ставку на элитное зерно
Сёлета сельгаспрадпрыемствы раёна каля 10 працэнтаў плошчаў, адведзеных пад збожжавыя, плануюць засеяць элітным насеннем, што будзе спрыяць павышэнню аддачы збожжавых палеткаў. У гэтыя веснавыя дні пераважная большасць гаспадарак завозіць высакаякаснае насенне з элітгасаў Віцебскай і іншых абласцей краіны.
Як расказала галоўны спецыяліст райсельгасупраўлення па насенневодству Ларыса Віктараўна Зайцава, згодна з разнарадкай абласнога камітэта па сельскай гаспадарцы і харчаванню сельгаспрадпрыемствам нашага раёна з элітгасаў вобласці выдзелена 151 тона элітнага насення яравых збожжавых, пераважная большасць якога ўжо завезена ў гаспадаркі.
Але яго недастаткова, каб засеяць запланаваныя плошчы. Таму сельгаспрадпрыемствы заключылі дадатковыя дагаворы з элітгасамі іншых абласцей краіны на пастаўку элітнага насеннага матэрыялу.
Напрыклад, ААТ “Усход-Чырына” плануе завезці каля 20 тон эліты яравой пшаніцы і ячменю з Нясвіжскага раёна. 35 тон элітнага насення яравой пшаніцы, ячменю і збожжабабовых СГФ імя Ю.Смірнова і ААТ “Прыдубровенскае” купілі ў фермерскай гаспадаркі “Канстанцін” Магілёўскай вобласці, а ААТ “Каманіна” і “Баброва-Агра” 15 тон яравой пшаніцы завезлі з фермерскай гаспадаркі “Дзіяна” Магілёўскай вобласці.
Работа па завозу элітнага насення яравых збожжавых працягваецца.
Чакаецца, што ў цэлым па раёне пад ураджай 2012 года яго будзе завезена каля 220 тон.
Андрей КВІР