На небосклоне дубровенской сцены зажглись новые звёзды (ФОТО)

За гадзіну да пачатку шоу-праграмы ў глядзельнай зале Цэнтра творчасці і культурна-забаўляльнай дзейнасці быў поўны  аншлаг, а гледачы ўсё ішлі і ішлі.

Выступленні ўсіх сямі дуэтаў былі яркімі і відовішчнымі.

У складзе кожнага дуэта быў спявак-прафесіянал, які  ўжо не раз выступаў на сцэне, і аматар песеннага мастатцва, у якога не было вопыту выступлення, і гэта надавала дуэтам асаблівы шарм і загадкавасць.

Усе дуэты выступалі пад нумарамі:

• пад №1- удзельніца народнай студыі эстраднай песні “Ліра” Анастасія Шацькова і вядучы інжынер ААТ “Дубровенскі райаграсервіс” Міхаіл Сулімаў,
• пад №2 — удзельнік мастацкай самадзейнасці  раённага цэнтра народнай творчасці і культурна-забаўляльнай дзейнасці Анатоль Шайкоў і швачка таварыства з абмежаванай магчымасцю  “Антынея-Прайм” Святлана Собалева,
• пад №3 — пераможца раённага фестваля маладзёжнай творчасці “Парад сузор’яў” у намінацыі “Вакал” Яўген Груца і выкладчык Дубровенскага прафліцэя  Вікторыя Карнеева,
• пад №4 — удзельніца народнай студыі эстраднай песні “Ліра” Вікторыя Бараноўская і шэф-повар кафэ “Лідзія” Анжэліка Навумава,
• пад №5 — удзельніца народнай студыі эстраднай песні “Ліра” Вольга Малец і дырэктар раённага цэнтра  народнай творчасці і культутна-забаўляльнай дзейнасці Уладзімір Бабічаў,
• пад №6- удзельніца ўжо вядомай “Ліры” Аляксандра Дзямідава і супрацоўнік РАУС Сяргей Ціцянкоў,
• пад №7 – саліст рок-групы “Акцэнт”  Максім Лукашэвіч і супрацоўнік  тэрытарыяльнага цэнтра сацыяльнага абслуговання насельніцтва Людміла Берагарулькіна.

Усе дуэты выканалі па 2 песні з вядомых кінафільмаў і хіты 70-80 гадоў.

Выступленне кожнага  з іх гледачы сустракалі  і праводзілі гучнымі апладысментамі, і ўсе яны  былі “зажигательными” і арыгінальнымі.

Асобы шарм ім надавалі падтанцоўкі, дэкарацыі, касцюмы артыстаў.

Зала “гудзела”  нібы пчаліны вулей, эмоцыі літаральна перапаўнялі гледачоў. Гледачам было прапанавана самім выбраць  лепшы дуэт выканаўцаў—пераможцаў шоў –праграмы (на адваротным баку ўваходнага білета напісаць нумар дуэта, які найбольш спадабаўся).

Падлічыць галасы было даручана  галоўнаму бухгалтару аддзела ідэалагічнай работы, культуры і па справах моладзі райвыканкама Таццяне Скварко.

—Усе дуэты набралі вялікую колькасць галасоў,- гаворыць Таццяна Аркадзьеўна. –У пераможцаў шоу на  30 галасоў аказалася больш…

Іх аб’явіла намеснік  старшыні райвыканкама Святлана  Валер’еўна Рыжанская. Перамог дуэт Максіма Лукашэвіча і Людмілы Берагарулькінай.

Лідзія ЧАПЯЛОВА.

ЗАГЛЯНИТЕ НА «ФОТОМИНУТКУ»!