Ученики средней школы №2 г. Дубровно попробовали себя в роли учителей

Напярэдадні Дня настаўніка ў сярэдняй школе № 2 г.Дуброўна прайшлі святочныя мерапрыемствы, прысвечаныя гэтаму святу. Яны пачаліся раніцай 30 верасня.

Зранку на перад школай выстраіліся вучні старэйшых класаў з кветкамі ў руках. Яны сустракалі сваіх настаўнікаў, віншавалі са святам, уручалі кветкі. У школе педагогаў чакалі новыя сурпрызы. У Школьныя памяшканні былі напоўнены гучаннем песен, кветкамі і добразычлівымі пажаданнямі песні, адпаведныя святу.
Дзень пачаўся з лінекі, на якой адбылося ўрачыстае адкрыццё дня самакіравання.

Затым пачаліся ўрокі. Вельмі цікавым быў той факт, что на уроках давялося працаваць не толькі вучням. У гэты дзень загадам дырэктара-дублёра быў створаны 11 “У” клас, вучнямі якога сталі настаўнікі школы. У гэты дзень у раскладзе 11 “У” стаялі маляванне, спевы, рытміка, і час псіхалагічнай разгрузкі. Настаунік малявання, Барысенка Ілля Алегавіч, прапанаваў сваім вучням намаляваць восеньскі пейзаж, растлумачыў, як правільна гэта зрабіць, як правільна падабраць фарбы.

На ўроку музыкі настаўнік Барнетаў Яўген Міхайлавіч правёў з вучнямі музычную віктарыну, расказаў пра ўстройства гітары, і падарыў песню ў сваім выкананні.
А на ўроку рытмікі ўсе танчылі пад кіраўніцтвам самаго дырэктара-дублёра Турава Дзмітрыя Аляксандравіча.
Пасля ўрокаў адбылася прэс-канферэнцыя, на якой усе змаглі выказаць свае эмоцыі і меркаванні наконт праведзеных урокаў, вучняў і пачуццяў атрыманых у гэты дзень. Кожны выказаў свае думкі і заўвагі, аднак усе былі салідарны ў адным: прафесія настаўніка сапраўды складаная і вельмі цяжкая, патрабуе ад чалавека шмат сілы, энергіі, часу, самаадданасці. Затым усе настаўнікі школы былі запрошаны на святочны канцэрт, дзе таксама пачулі нямала цёплых слоў у свой адрас.

У суботу, 1 кастрычніка святочныя мерапрыемствы прадоўжыліся. Спачатку у глядзельную залу запрасілі ўсіх на свята першакласнікі.

Затым святочныя мерапрыемствы перамясціліся у спартыуны зал, дзе адбыліся спаборніцтвы паміж камандамі настаўнікаў і вучняў старэйшых класаў. Пра тое, што барацьба была напружанай і сапраўднай, яскрава сведчыць такі факт: калі па выніках асноўнай праграммы спартландыі каманды паказалі роўны вынік, журы адмовілася канстатаваць “нічыю”.

Быў праведзены дадатковы спартыўны конкурс, у якім зноў жа сілы каманд былі роўныя. Журы патрабавала правесці яшчэ адзін конкурс. На гэты раз і вучням, і настаўнікам былі прапанаваны пытанні на веданне гісторыі Алімпійскіх гульняў. Але адказы на віктарыну абодвух каманд былі такія грунтоўныя, што журы згадзілася з тым, што ў гэтых спаборніцтвах “перамагло сяброўства”.
Кожны ўдзелькік, арганізатар і глядач мерапрыемстваў, прысвечаных Дню настаўніка ў нашай школе, пакінуў для сябе на памяць цэлы букет пачуццяў і эмоцый.
Алена ХМЯЛЬНІЦКАЯ,
педагог-арганізатар сярэдняй школы №2 г.Дуброўна