Жительница Дубровенщины рассказала о буднях приемной матери
Амаль 30 гадоў назад Ірыну, зусім яшчэ юную выпускніцу Будскай сярэдняй школы, у статусе жонкі прывёз у Баброва малады настаўнік Міхаіл Саковіч, які быў накіраваны на працу ў Баброўскую базавую школу. Жылі маладыя Саковічы добра, дружна. Неўзабаве ў іх сям’і з’явіўся першынец-сынок, нарадзілася дачушка. Зараз у дзяцей ужо свае сем’і.
12 гадоў назад практычна бязвоблачнае жыццё ў сям’і нечакана зацягнулі чорныя хмары. Раптоўна памёр муж Ірыны Васільеўны Міхаіл Аркадзьевіч Саковіч.
Роднаму сыну было 17 гадоў. Ён вучыўся ў каледжы. Дачка заканчвала базавую школу, рыхтавалася паступаць у каледж…
—Баючыся прадстаячага адзіноцтва і следуючы прыкладу іншых баброўскіх жанчын з падобным на мой лёсам, я вырашыла ўзяць на выхаванне дзіця з дзіцячага дома. — працягвае Ірына.
Спачатку была дзяўчынка Віка.
—За шэсць гадоў, што яна жыла ў нас, Віка стала мне блізкім чалавекам. Яна закончыла школу, паступіла ў Віцебскі каледж сувязі, сёлета яна яго заканчвае. Адпраўляючы яе на вучобу, я сказала, што люблю яе як сваю дачку і што дзверы майго дома для яе заўсёды будуць расчынены. Спачатку яна некалькі разоў наведвалася да мяне, затым перастала прыязджаць, памяняла сім-карту на тэлефоне. Ад яе сябровак я даведалася, што Віка стала сустракацца з роднай мамай, якая жыве ў Віцебску, і тая катэгарычна супраць, каб яна мела зносіны са мной, яе прыёмнай мамай. Я не асуджаю яе за гэта, яна ўжо амаль дарослая і сама вырашыць, як ёй жыць далей. А пра тое, які пажар бушуе да гэтага часу ў маёй душы, ёй лепш не ведаць, —говорыць Ірына Саковіч.
Чатыры гады назад у доме Ірыны паявіўся маленькі хлопчык Данілка. Прыёмная маці выдзеліла яму самы светлы і цёплы пакой у сваім доме, той самы, дзе жылі дочкі, прывязалася да малога ўсёй душой. Данілка даўно заве яе мамай, а яна песціць малога, ва ўсім патурае яму, аддае яму ўсё цяпло сваёй душы. Даніла акрыяў, прыкметна падрос, стаў хадзіць ў школу.
—Вядома, дзеці павінны жыць у біялагічнай сям’і з біялагічнымі бацькамі. Выхаванне чужых дзяцей, якія ў сілу пэўных абставін апынуліся ў складаным становішчы, у прыёмнай сям’і—мая работа. Аднак я вельмі хачу і перажываю, каб побач з роднай маці, якая, спадзяюся, адумаецца і перагледзіць свае падыходы да выхавання дзяцей, Данілку было добра і ўтульна, не горш чым са мной.
Развітваючыся з Ірынай Саковіч, я міжволі падумала аб тым, як няпроста, аказваецца, працаваць прыёмнымі бацькамі. З аднаго боку, ты разумееш, што выхаванне дзяцей у прыёмнай сям’і — гэта твая работа, за якую ты атрымліваеш зарплату. Аднак гэта работа запаланяе цябе настолькі, што ўжо нельга абазначыць тую мяжу, за якой яна перастае быць проста работай, а пераходзіць у новую ступень узаемаадносін маці і дзіцяці.
Так уладкавана жаночая сутнасць некаторых з нас, што мы не можам любіць дзяцей па службоваму абавязку, мы любім іх па-мацярынскаму інстынкту. І балюча перажываем, калі рвуцца сувязі з імі. А яны, на жаль, часта рвуцца.
Па словах Ірыны Саковіч, у Баброва ў свой час было нямала прыёмных сем’яў, дзе выхоўваліся дзеці, якія апынуліся ў складаным становішчы, ад якіх адвярнуліся бацькі. Многія з іх выраслі і раз’ехаліся хто куды і далёка не ўсе, хаця б з пачуцця ўдзячнасці за сагрэтае чужым цяплом дзяцінства, вяртаюцца ў тыя гнёзды, дзе іх, птушанят-падранкаў, прынялі пад сваё крыло і вярнулі да жыцця жанчыны, у якіх па сённяшні дзень болем шчыміць сэрца ад невядомасці пра іх лёсы.
Вялікі грэх забываць прыёмных маці, якія лячылі і гаілі душэўныя раны дзяцей, што апынуліся ў сілу розных абставін без апекі бацькоў.
Лідзія ЧАПЯЛОВА.