В Дубровно Деды Морозы и Снегурочки устроили шоу-парад

Дубровно, парад, шоу, Дед Мороз, Снегурочка, Новый год, радость, песни, пляски, танцы, улыбка, настроение

Вы ўяўляеце сабе, што такое кастынг? Гэта нешта падобнае на паказ, праяўленне сваіх талентаў перад публікай, дэманстрацыя здольнасцей і ведаў на падставе ўсяго гэтага — выбар лепшых. А зараз уявіце сабе такі вось кастынг сярод галоўных герояў навагодніх свят. Адным словам, у нашым горадзе адбыўся самы сапраўдны парад Дзядоў Марозаў, Снягурачак і іх каманд.

Напярэдадні Новага года для дзяцей і іх бацькоў на сцэне раённага Дома культуры адбылася конкурсная шоу-праграма “Вас запрашаюць Дзед Мароз і Снягурачка”. Дарэчы, гэтыя казачныя персанажы былі далёка не ў адзіночным экзэмпляры, а прыехалі са сваімі камандамі на свята з усяго Дубровенскага раёна.

Арганізатарамі канцэртнай праграмы сталі работнікі аддзела культуры Дубровенскага раённага выканаўчага камітэта і арганізацыйнага метадычнага цэнтра Дубровенскага аддзела культуры.

—Такія мерапрыемствы спрыяюць павышэнню прафесійнага ўзроўню арганізатараў, аўтараў і выканаўцаў. Тут работнікі культуры могуць абмяняцца сваімі арганізацыйна-творчымі вопытам і вынаходкамі, сучаснымі метадамі і прыёмамі. Менавіта падчас такіх канцэртных праграм і выяўляюцца таленавітыя выканаўцы і вядучыя, а маленькія гледачы разам з бацькамі атрымліваюць задавальненне ад прагляду, — адзначыла рэжысёр арганізацыйнага метадычнага цэнтра Вікторыя Кірпо, якая, дарэчы, была адказнай за сцэнарый гэтага мерапрыемства і прымала ў ім непасрэдны ўдзел у ролі адмоўнага персанажа — Дзюдзюкі.

Вядучымі шоу-праграмы сталі Ганна Каткоўская ў ролі Тыгра – сімвала мінулага года – і Таццяна Старавойтава ў ролі Зайчыка — года надышоўшага.

Дубровно, парад, шоу, Дед Мороз, Снегурочка, Новый год, радость, песни, пляски, танцы, улыбка, настроение

Па ўмовах конкурсу ўдзельнікі прадставілі ўвазе гледачоў тэатралізавана-гульнёвую навагоднюю праграму, у якую абавязкова ўключаліся акрамя Дзеда Мароза і Снягурачкі, Баба Яга, Лясун, Чорт ці іншыя прадстаўнікі нячыстай сілы. Але гэтыя персанажы не проста прысутнічалі ў пастаноўцы, а даказвалі ўсім прысутным сваю сапраўдную сутнасць, напрыклад, вакальным, танцавальным ці нават тэатральным майстэрствамі.

Каманды Дзядоў Марозаў і Снягурачак прынялі ўдзел у шэрагу спаборніцтваў. Спачатку калектывы прадэманстравалі гледачам сваю візітную картку, такім чынам мы пазнаёміліся з кожным персанажам паасобку.

Дубровно, парад, шоу, Дед Мороз, Снегурочка, Новый год, радость, песни, пляски, танцы, улыбка, настроение

Песенны конкурс “Сейчас спою!” раскрыў не толькі вакальныя, але і артыстычныя даныя кожнага Дзеда Мароза.

Дубровно, парад, шоу, Дед Мороз, Снегурочка, Новый год, радость, песни, пляски, танцы, улыбка, настроение

Што датычыцца Снягурачак, то яны прадэманстравалі свае танцавальныя таленты ў нумары “Сейчас станцую!”

Дубровно, парад, шоу, Дед Мороз, Снегурочка, Новый год, радость, песни, пляски, танцы, улыбка, настроение

Усе прысутныя не засталіся без увагі і таксама былі ўключаны ў сцэнарый мерапрыемства. Маленькія гледачы не толькі вадзілі карагоды, адгадвалі загадкі і запальвалі агеньчыкі на ёлцы — яны сталі непасрэднымі ўдзельнікамі конкурсу “Самы лепшы падарунак дзецям на Новы год” і атрымалі ад казачных персанажаў шмат не толькі салодкіх, але і карысных падарункаў. Напрыклад, Зайчык падарыў прысутным смачную моркву, а Дзяды Марозы парадавалі дзяцей цукеркамі, некаторыя нават — запрашэннямі на навагоднюю ёлку.

Апошнім конкурсам і сапраўдным падарункам для прысутных стала тэатралізаванае прадстаўленне “Казка побач” з гульнямі для дзяцей. На заключным этапе каманды прадэманстравалі ўсе свае таленты. Удзельнікі танцавалі, выконвалі песні і прыпеўкі і не забываліся ўключаць у сваю казку маленькіх гледачоў.

Дубровно, парад, шоу, Дед Мороз, Снегурочка, Новый год, радость, песни, пляски, танцы, улыбка, настроение

Усіх удзельнікаў шоу-праграмы ацэньвала кампетэнтнае журы і, як аказалася, сапраўдныя аматары навагодніх забаў — гэта дырэктар сярэдняй школы № 2 горада Дуброўна Ірына Уладзіміраўна Сакалова, начальнік аддзела культуры Дубровенскага райвыканкама Кацярына Пятроўна Лабука, намеснік дырэктара дзіцячай школы мастацтваў Любоў Уладзіміраўна Шышкевіч, другі сакратар раённага камітэта ОО “БРСМ” Наталля Мікалаеўна Шашкіна і сацыяльны педагог сярэдняй школы № 1 горада Дуброўна Святлана Уладзіміраўна Болахава. Суддзі па заслугах ацанілі кожную каманду, і старшыня журы Ірына Уладзіміраўна Сакалова агучыла вынікі.

Такім чынам, самая арыгінальная праграма аказалася ў Асінторфскага сельскага Дома культуры, а самае навагодняе чарадзейства атрымалася ў калектыву са Станіславоўскага СДК. Самы сапраўдны Дзед Мароз — у Асінторфскім СДК, а Снягурачка — у Калінаўскім, затое самы злосны герой — Баба Яга — трапіў да нас у Дуброўна з Ерамееўшчыны. Прыз ад гледачоў за лепшую каманду атрымаў Калінаўскі СДК.

Але на гэтым свята не закончылася — пасля размеркавання прызоў усе ўдзельнікі і гледачы адправіліся весяліцца і вадзіць карагод у танцавальную залу раённага Дома культуры.

Удзельнікі шоу-праграмы стварылі на сцэне Дома культуры сапраўдную зімовую казку, якая стала добрым падарункам не толькі для маленькіх гледачоў, але і для іх бацькоў, якія не хавалі сваіх усмешак і ўважліва слухалі ўражанні свайго сына або дачкі па дарозе дадому.

Ганна КАЦІКАВА

В Дубровно Деды Морозы и Снегурочки устроили шоу-парад: 1 комментарий

  • 26.01.2011 в 5:02 пп
    Permalink

    Опустели ряды Дедов Морозов Дубровенских……пичаль=(

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *